Get Legal Help Asylum Seekers Help Immigration Policy National Advocacy

د افغانستان څخه د وتلو او بیا میشتیدنې سرچینې

Read this page in English | اين صفحه را به زبان دری بخوانید

د 2022 مېلادي کال د مارچ په 18 نېټه اپډېټ شوی.

شالید: د اپریل په میاشت کې، د بایډن ادارې اعلان وکړ چې ټول امریکایی سرتیري به د جګړې له شلمی کلیزې سره، د 2021 کال د سپتمبر تر 11 مې پورې له افغانستان څخه ووځي. هیره دی نه وی چی د ټرمپ ادارې په 2020 م کال کی د طالبانو سره خبرې کړې وې او د می لومړۍ نیټه یی د دی هیواد د سرتیرو د وتلو لپاره ټاکلی وه. په جولای کې، د بایډن ادارې د خطر سره مخامخ افغانانو لپاره د وتلو پلانونو، Operation Allied Refuge، څخه پرده پورته کړه او اعلان یې وکړ چې د متحده ایالاتو سرتیري به د 2021 کال د اګست مایشتی پورې وځي. د جولای په دیرشمه نیټه، د 200 څخه زیاتو افغانانو یوه ډله واشنګټن ډي سي ته ورسیده، دا د Operation Allied Refuge لومړۍ الوتنه وه. په عین وخت کې، په افغانستان کې وضعیت د خرابیدو په حال کی دی، ځکه چې د طالبانو ځواکونو په چټکۍ سره تقریبا پر ټول هیواد خپله ولکه ټینګه کړه او د اګست په پنځلسمی نیټی یې د کابل کنټرول ترلاسه کړ. د جولای راهیسې، د متحده ایالاتو حکومت له 120،000 څخه ډیر خلک د افغانستان څخه ایستلي دی او د اګست په 30، د متحده ایالاتو وروستی سرتیری له افغانستان څخه ووت. په هرصورت، داسې اټکلونه شوي چې زرګونه افغانان چی د متحده ایالاتو سره يې اړیکې لرلې، اوس هم په افغانستان کې پاتې دي. دې ادارې ویلي دي چې دوی غواړي په دوامداره توګه ډیپلوماتیکې لارې وکاروي ترڅو د متحده ایالاتو اتباع او دایمي اوسیدونکو، د متحد هیوادونو اتباع، د مهاجرینو ځانګړي ویزې غوښتونکو او لوړ خطر لرونکي افغانانو سره د افغانستان په پریښودو کې مرسته وکړي.

یادونه: د دریمې ډلې د سرچینو په اړه د معلوماتو چمتو کول او دلته د دریمې ډلې ویب پاڼی لینک یوازې د معلوماتي موخو لپاره دي او د نیویارک ښار لخوا د تایید استازیتوب نه کوي.

د محافظت ډولونه د کومو لپاره چې افغانان په شرايطو برابر دي

د مهاجرینو لپاره ځانګړي ویزه (Special Immigrant Visa - SIV): د SIV پروګرام د هغو افغان اتباعو لپاره دی کوم چې په مستقیم ډول د متحده ایالاتو حکومت لخوا ګمارل شوي د SIV لپاره وړ او برابر اشخاص او د دوی د کورنۍ غړي په مستقیم ډول کولای شی چی په متحده ایالاتو کی د میشت کیدو لپاره غوښتنه وکړي. وروسته له دې چې د دوی قضیې تصویب شوې، د SIV لرونکي د ځایی میشت کیدو ادارې څخه د میشته کیدو خدمات ترلاسه کوي.
لومړیتوب 2 (Priority 2, P2) د کډوالو په هکله ماموریت: د P2 دا نوی تخصیص د اګست په دویمه د افغان اتباعو او د هغوی د کورنۍ غړو لپاره اعلان شو چې د SIV برنامې ځانګړتیاوی/ شرایط نه پوره کوي-په شمول د هغه افغانانو چې د متحده ایالاتو حکومت لخوا تمویل شوي برنامو یا پروژو کی یی کار کړی، یا یی هم د متحده ایالاتو لخوا تمویلیدونکی میډیا سازمان یا غیر دولتي سازمانونو سره کار کړی دی.
بشردوستانه ضمانت/ پارول (Humanitarian Parole): بشردوستانه پارول یو لنډمهاله حالت دی چې پیرولي ته اجازه ورکوي تر څو په متحده ایالاتو کې د یوې ټاکلې مودې لپاره پاتې شي پداسې حال کې چې د اوږدې مودې حل لپاره غوښتنه کوي. د اګست په 23 مه نیټه، د کورني امنیت ریاست اعلان وکړ چې یاد ریاست به د خپل بشري پیرول واک څخه کار واخلي او تر 50,000 پورې افغانان چې ممکن د SIV یا P2 پروګرام لپاره وړ وي، د افغانستان څخه وباسی مګر تر دې دمه يې دا پروسه نده بشپړه کړې. افغان مهاجرينو ته به له اخراج څخه د ژغورلو لپاره دوه کلن سند ورکړل شي اوو کولی شي چې د کارکولو لپاره د اجازې ترلاسه کولو غوښتنه وکړي. په هرصورت، تر څو چې دوی ته یو جلا دریځ نه وي ورکړل شوی (لکه د پناهندګی سند، SIV، او نور)، دوی نشي کولای چی د بیا میشته کیدو خدماتو یا ګټو ته لاسرسی ومومي.
لنډمهاله خوندي حالت (Temporary Protected Status, TPS): د 2022 کال د مارچ په 16 نیټه د کورني امنیت ریاست (Department of Homeland Security) افغانستان د 18 میاشتو لپاره د TPS لپاره نومولی. TPS کولی شي په متحده ایالاتو کې وړ افغان اتباع له اخراجه خوندي کړي او د کار اجازه ورکړي مهرباني وکړئ د نورو معلوماتو لپاره زموږ TPS پاڼه وګورئ

د هغو افغانانو لپاره سرچینې چی د مرستې په لټه کې دي

د متحده ایالاتو د حکومت په هکله معلومات او لارښود
- د هیواد د امنیت وزارت (Department of Homeland Security, DHS) د عملیاتو متحدین
  (Operation Allies) د ښه راغلاست پاڼه (په انګلیسي کې)
- د متحده ایالاتو د تابعیت او کډوالۍ خدمات (U.S. Citizenship and Immigration Services, USCIS) په متحده ایالاتو کې د پیرول په اړه د افغان اتباعو لپاره معلومات (په انګلیسي کې)
- په متحده ایالاتو کې د افغانانو لپاره د ګمرکونو او سرحدونو د ساتنې معلومات (Customs and Border Protection, CBP) – انګلیسي، دري، پښتو
- د بهرنیو چارو وزارت د افغانستان په هکله پوښتنې (Afghanistan Inquiries) (په انګليسي کې)
- د کډوالۍ پروسس مرکز (Refugee Processing Center) پاڼه د افغانانو لپاره د SIV برنامې په هکله د متحده ایالاتو د کډوالو پروګرام لارښوونې
د کډوالو د حقونو او بیا میشتیدنې سازمانونو سرچینې او لارښود
- د کډوالو نړیوالې مرستې پروژې (International Refugee Assistance Project, IRAP) د افغانانو لپاره قانوني سرچینې ("Legal Resources for Afghans") (په انګليسي کې) ویب پاڼه د افغانانو لپاره د کډوالۍ بیلابیلو قانوني لارو په اړه هر اړخیز اپډیټ معلومات لری.
- د امریکا د کډوالو او مهاجرینو کمیټه (U.S. Committee for Refugees and Immigrants) د افغان متحدینو لپاره سرچینې ("Resources for Afghan Allies")پاڼه کې د متحده ایالاتو اتباعو، او د SIV یا P2 وړ اشخاصو لپاره په دري او پښتو ژبه کی سرچینې او همدارنګه د بهرنیو چارو وزارت د ښځو نړیوالو ستونزو دفتر
  (Office of Global Women's Issues) ته د رسیدو لپاره د اړیکو معلومات شامل دي.
- د بشر د حقونو لومړیتوب (Human Rights First, HRF) د افغانانو لپاره سرچینه ("Resources for Afghans") چی یو ویب پاڼه ده په هغه کې د افغانانو لپاره معلومات شامل دي چې په دري او پښتو ژبی باندی ژباړل شوي او همدارنګه د هغو افغانانو لپاره چی په متحده ایالاتو کې د "پروژې: د افغانانو لپاره حقوقي مرسته ("Project: Afghan Legal Assistance, PALA") (په انګلیسې کې) له لارې د قانوني مرستې غوښتنه کوي، يو لينک شامل دی.
- د AfghanEvac ویب پاڼه د تخلیی انتخابونو، اړیکی نیولو، معلوماتو او امنیتی مسایلو، او د کډوالۍ او بیا میشته کیدو په برخه کی په کافی اندازه مالومات لري.
- د PARS مساوات مرکز (PARS Equality Center) ، د افغانانو د ملاتړ مرکز ("Afghan Support Project") پاڼه (په انګليسي کې) د افغانانو لپاره د قانوني مرستې غوښتنې فورمی په شمول قانوني سرچینې لري.

د هغو کسانو لپاره سرچینې چې غواړي د افغان بې ځایه شویو ملاتړ او مرسته وکړی

عمومي ملاتړ: مهرباني وکړئ د متحده ايالاتو د مهاجرينو شورا (Refugee Council USA) پاڼی ته مراجعه وکړی څو هغو لارو چارو سره شنا شی چی په متحده ایالاتو کې خلک څنګه کولی شي په بهر او متحده ایالاتو کې د زیان منونکو افغانانو ملاتړ وکړي.
- تاسو کولی شئ په خپله سیمه کې د کډوالو میشتیدنې ادارو لیست ومومئ ترڅو د دې متقابل نقشی (په انګلیسې کې) له لارې مرسته وکړي.
حقوقي مرسته: د هغو مدافع وکیلانو لپاره سرچینې او مالومات په شمول د محافظت مختلف ډولونو لپاره د غوښتنی کولو په اړه د تمرین مشورې شتون لری چې د بې ځایه شویو افغانانو سره د مرستې په لټه کې دی.
- د افغانانو لپاره د Catholic Legal Immigration Network مرستې کتابچه (Assistance for AfghansToolkit) (په انګليسي کې).
- د American Immigration Law Association سرچینی د افغان مراجعینو سره د مرستې لپاره (Resources for Assisting Afghan Clients) پاڼه
د لیکلي او تشریحی ژباړی په برخه کی مرسته: د Human Rights First فورمه (په انګلیسي کې) د هغو کسانو لپاره چې غواړي د دری یا پښتو ژباړونکي په توګه رضاکارانه کار وکړي ترڅو د بې ځایه شویو افغانانو او هغه کسانو سره چی په حقوقی برخه کی اړتیاو ی لری، مرسته وکړي
ټولنیز سازمانونه چی په NYC کې افغان ټولنې ته خدمت کوي
- د Women for Afghan Women (ښځې د افغان ښځو لپاره) (په انګلیسي کې)
- د Chhaya Community Development Organization (چایا ټولنیز پراختیایی سازمان) (په انګلیسي کې)
- د Arab-American Family Support Center (د عرب الاصله امريکايي د کورنۍ ملاتړ مرکز) (په انګلیسي کې)
- د South Asian Youth Action (SAYA) (د سهیلی اسیا د ځوانانو عملیاتي موسسه) (په انګلیسي کې)

په نیویارک ښار کې خدماتو ته لاسرسی

د افغانستان قونسلګري-د هغه پوښتنو په اړه چې تاسو یې لرئ، د افغانستان قونسلګرۍ له استازي سره د خبرو کولو لپاره پدې شمیرې (212) 972-2276 یا (212) 972-2277چې اکستنشن یي x458 دی له دوشنبه څخه تر جمعی پوری د سهار له 9:00 بجو څخه تر ماسپښین 12:00 بجو پورې زنګ ووهي.
د نیویارک ټولو اوسیدونکو ته د ښار خدماتو ګړندي او اسانه لارښود په دري دلته او په پښتو دلته لاسرسی کیدای شي.
که تاسو د کډوالۍ یا د ښار خدماتو ته د لاسرسي څرنګوالي په اړه پوښتنې لرئ، ستاسو په ژبه کی مرستی شتون لري. د دوشنبې څخه تر جمعې پورې، د سهار له 9 بجو څخه تر ماښام 5 بجو پورې په 212-788-7654 کې د مهاجرینو چارو ښاروالۍ دفتر (Mayor's Office of Immigrant Affairs, MOIA) هټ لاین ته زنګ ووهئ، یا askmoia@cityhall.nyc.gov باندی بریښنالیک ولیږی.